Sumilang

Narito ang listahan ng mga kongresistang bumoto para ipasa ang HR 1109 na nagpapatwag ng CON-Ass. Sila rin ang mga nabiyayaan ng dagdag pork barrel at iba pang mga suhol mula kay Gloria Macapagal-Arroyo:

ABANTE, BIENVENIDO M. “BENNY” 6TH District Pandacan
ABLAN, ROQUE R. JR, Ilocos Norte, 1st District
AGBAYANI, VICTOR AGUEDO E. Pangasinan, 2nd District
AGYAO, MANUEL, S Kalinga Province
ALBANO (III), RODOLFO T. Isabela, 1st District
ALFELOR, FELIX R. JR. 4th District, Camarines Sur
ALMARIO, THELMA Z. Davao Oriental, 2nd District
ALVAREZ, ANTONIO C. Palawan 1st District
ALVAREZ, GENARO RAFAEL M. JR. Negros Occidental, 6th District
AMANTE, EDELMIRO A. Agusan Del Norte, 2nd District
AMATONG, ROMMEL C. Compostela Valley, 2nd District
ANGPING, MARIA ZENAIDA B. Manila, 3rd District
ANTONINO, RODOLFO W. Nueva Ecija, 4th District
APOSTOL, TRINIDAD G. Leyte, 2nd District
AQUINO, JOSE S. (II) 1st District Agusan del Norte
ARAGO, MARIA EVITA R. 3rd district, Laguna
ARBISON, A MUNIR M. Sulu 2nd District
ARENAS, MA. RACHEL J. Pangasinan, 3rd District
ARROYO, DIOSDADO M. Camarines Sur, 1st District
ARROYO, IGNACIO T. 5th district Negros Occidental
ARROYO, JUAN MIGUEL M. 2nd District of Pampanga
BAGATSING, AMADO S. Manila 5th district
BALINDONG, PANGALIAN M. Lanao del Sur, 2nd District
BARZAGA, ELPIDIO F. JR. Cavite, 2nd District
BAUTISTA, FRANKLIN P. Davao Del Sur, 2nd District
BELMONTE, VICENTE F. JR. Lanao del Norte, 1st District
BICHARA, AL FRANCIS C. Albay, 2nd District
BIRON, FERJENEL G. Iloilo, 4th District
BONDOC, ANNA YORK P. Pampanga 4th District
BONOAN-DAVID, MA. THERESA B. Manila, 4th District
BRAVO, NARCISO R. JR. Masbate, 1st District
BRIONES, NICANOR M. AGAP Party list
BUHAIN, EILEEN ERMITA Batangas, 1st District
BULUT, ELIAS C. JR. Apayao Lone District
CAGAS (IV), MARC DOUGLAS C. Davao Del Sur, 1st District
CAJAYON, MARY MITZI L. Caloocan, 2nd District
CAJES, ROBERTO C. Bohol, 2nd District
CARI, CARMEN L. Leyte, 5th District
CASTRO, FREDENIL H. Capiz, 2nd District
CELESTE, ARTHUR F. Pangasinan, 1st District
CERILLES, ANTONIO H. Zamboanga Del Sur, 2nd District
CHATTO, EDGARDO M. Bohol, 1st District
CHONG, GLENN A. Biliran, Lone District
CHUNG-LAO, SOLOMON R. Ifugao, Lone District
CLARETE, MARINA C. Misamis Occidental, 1st District
CODILLA, EUFROCINO M. SR. Leyte, 4th District
COJUANCO, MARK O. Pangasinan, 5th District
COQUILA, TEODULO M. Eastern Samar, Lone District
CRISOLOGO, VINCENT P. Quezon City, 1st District
CUA, JUNIE E. Quirino, Lone District
CUENCO, ANTONIO V. Cebu City, 2nd District
DANGWA, SAMUEL M. Benguet, Lone District
DATUMANONG, SIMEON A. Maguindanao, Lone District
Dayanghirang, Nelson L. Davao Oriental, 1st District
DAZA, NANETTE C. Quezon City, 4th District
DAZA, PAUL R. Northern Samar, 1st District
DE GUZMAN, DEL R. Marikina City, 2nd District
DEFENSOR, ARTHUR D. SR. Iloilo, 3rd District
DEFENSOR, MATIAS V. JR. Quezon City, 3rd District
DEL MAR, RAUL V. Cebu City, 1st District
DIASNES, CARLO OLIVER D. (MD) Batanes, Lone District
DIMAPORO, ABDULLAH D. Lanao Del Norte, 2nd District
DOMOGAN, MAURICIO G. Baguio, Lone District
DUAVIT, MICHAEL JOHN R. Rizal, 1st District
DUENAS, HENRY M. JR. Taguig, 2nd District (2nd Councilor District)
DUMARPA, FAYSAH MRP. Lanao del Sur, 1st District
DUMPIT, THOMAS L. JR. La Union, 2nd District
DURANO (IV), RAMON H. 5th District, Cebu
ECLEO, GLENDA B. Dinagat Islands, Lone District
EMANO, YEVGENY VICENTE B. Misamis Oriental, 2nd District
ENVERGA, WILFRIDO MARK M. Quezon, 1st District
ESTRELLA, CONRADO M. (III) Pangasinan, 6th District
ESTRELLA, ROBERT RAYMUND M. ABONO Party List
FERRER, JEFFREY P. Negros Occidental, 4th District
GARAY, FLORENCIO C. Surigao Del Sur, 2nd District
GARCIA, ALBERT S. Bataan, 2nd District.
GARCIA, PABLO JOHN F. Cebu, 3rd District
GARCIA, PABLO P. Cebu, 2nd District
GARCIA, VINCENT J. Davao City, 2nd District
GARIN, JANETTE L. Iloilo, 1st District
GATCHALIAN, REXLON T. Valenzuela City, 1st District
GATLABAYAN, ANGELITO C. Antipolo City, 2nd District
GO, ARNULFO F. Sultan Kudarat, 2nd District
GONZALES, AURELIO D. JR. Pampanga 3rd District
GONZALES, RAUL T. JR. Ilo ilo City
GULLAS, EDUARDO R. Cebu, 1st District
GUNIGUNDO, MAGTANGGOL T. Valenzuela City 2nd District
HOFER, DULCE ANN K. Zamboanga Sibugay, 2nd District
JAAFAR, NUR G. Tawi-Tawi, Lone District
JALA, ADAM RELSON L. Bohol, 3rd District
JALOSJOS, CESAR G. Zamboanga del Norte, 3rd District
JALOSJOS-CARREON, CECILIA G. Zamboanga del Norte, 1st District
JIKIRI, YUSOP H. Sulu, 1st District
KHO, ANTONIO T. Masbate, 2nd District
LABADLABAD, ROSENDO S. Zamboanga del Norte, 2nd District
LACSON, JOSE CARLOS V. Negros Occidental, 3rd District
LAGDAMEO, ANTONIO F. JR. Davao del Norte, 2nd District
LAPUS, JECI A. Tarlac, 3rd District
LAZATIN, CARMELO F. Pampanga, 1st District
LIM, RENO G. Albay, 3rd District
LOPEZ, JAIME C. Manila, 2nd District
MADRONA, ELEANORA JESUS F. Romblon, Lone District
MAGSAYSAY, MARIA MILAGROS H. Zambales, 1st District
MALAPITAN, OSCAR G. Caloocan, 1st District
MAMBA, MANUEL N. Cagayan, 3rd District
MANGUDADATU, DATU PAKUNG S. Sultan Kudarat,
MARANON, ALFREDO D. III Negros Occidental, 2nd District
MATUGAS, FRANCISCO T. Surigao del Norte, 1st District
MENDOZA, MARK LEANDRO L. Batangas, 4th District
MERCADO, ROGER G. Southern Leyte, Lone District
MIRAFLORES, FLORENCIO T. Aklan, Lone District
NAVA, JOAQUIN CARLOS RAHMAN A. (MD) Guimaras, Lone District
NICOLAS, REYLINA G. Bulacan, 4th District
NOGRALES, PROSPERO C. Davao City, 1st District
OLAñO, ARREL R. Davao Del Norte, 1st District
ONG, EMIL L. Northern Samar, 2nd District
ORTEGA, VICTOR FRANCISCO C. La Union, 1st District
PABLO, ERNESTO C. APEC Party List
PANCHO, PEDRO M. Bulacan, 2nd District
PANCRUDO, CANDIDO P. JR. Bukidnon, 1st District
PICHAY, PHILIP A. Surigao Del Sur, 1st District
PIñOL, BERNARDO F. JR. North Cotabato, 2nd District
PUNO, ROBERTO V. Antipolo City, 1st District
RAMIRO, HERMINIA M. Misamis Occidental, 2nd District
REMULLA, JESUS CRISPIN C. Cavite, 3rd District
REYES, CARMELITA O. Marinduque, Lone District
REYES, VICTORIA H. Batangas, 3rd District
ROBES, ARTURO G. San Jose Del Monte City, Lone District
Rodriguez-Zaldarria ga, Adelina Rizal, 2nd District
ROMAN, HERMINIA B. Bataan, 1st District
ROMARATE, GUILLERMO A. JR. Surigao del Norte, 2nd District
ROMUALDEZ, FERDINAND MARTIN G. Leyte, 1st District
ROMUALDO, PEDRO Camiguin, Lone District
ROMULO, ROMAN T. Pasig City, Lone District
ROXAS, JOSE ANTONIO F. Pasay City
SALIMBANGON, BENHUR L. Cebu, 4th District
SALVACION JR., ANDRES D. Leyte, 3rd District
SAN LUIS, EDGAR S. Laguna, 4th District
SANDOVAL, ALVIN S. Malabon-Navotas, Lone District
SANTIAGO, JOSEPH A. Catanduanes, Lone District
SANTIAGO, NARCISO D. (III) ARC Party List
SEACHON-LANETE, RIZALINA L. 3rd district of Masbate
SEARES-LUNA, CECILIA M. Abra, Lone District
SILVERIO, LORNA C. Bulacan, 3rd District
SINGSON, ERIC D. Ilocos Sur, 2nd District
SINGSON, RONALD V. Ilocos Sur, 1st District
SOLIS, JOSE G. Sorsogon, 2nd District
SOON-RUIZ, NERISSA CORAZON Cebu, 6th District
SUAREZ, DANILO E. Quezon, 3rd District
SUSANO, MARY ANN L. Quezon City, 2nd District
SY-ALVARADO, MA. VICTORIA R. Bulacan, 1st District
SYJUCO, JUDY J. 2nd Dsitrict, Iloilo
TALINO-MENDOZA, EMMYLOU J. North Cotabato, 1st District
TAN, SHAREE ANN T. Samar, 2nd District
TEODORO, MARCELINO R. Marikina City, 1st District
TEODORO, MONICA LOUISSE PRIETO Tarlac, 1st District
TEVES, PRYDE HENRY A. Negros Oriental, 3rd District
TUPAS, NEIL C. JR. Iloilo, 5th District
UNGAB, ISIDRO T. Davao City, 3rd District
UY, EDWIN C. Isabela, 2nd District
UY, REYNALDO S. Samar, 1st District
UY, ROLANDO A. Cagayan De Oro City, Lone District
VALDEZ, EDGAR L. APEC Party List
VALENCIA, RODOLFO G. Oriental Mindoro, 1st District
VARGAS, FLORENCIO L. Cagayan, 2nd District
VILLAFUERTE, LUIS R. Camarines Sur, 2nd District
VILLAROSA, MA. AMELITA C. Occidental Mindoro, Lone District
VIOLAGO, JOSEPH GILBERT F. Nueva Ecija, 2nd District
YAP, JOSE V. Tarlac, 2nd District
YU, VICTOR J. Zamboanga Del Sur, 1st District
ZAMORA, MANUEL E. 1st District, Compostela Valley
ZIALCITA, EDUARDO C. Parañaque, 1st District

Nakakahiya at nakakadismaya dahil kasama sa listahan ang kinatwan ng aking distritong kinabibilangan. Buti na lang hindi siya ang aking binoto.

Nakapukaw ng aking interes ang blog post ni Ederic ngayon, “EDSA 2: isang “pagkakamali” ng simbahan?”

Ito ay bunga ng reaksyon niya sa dokumentong isinulat ni Fr. Sid T. Marinay, na inilabas kamakailan ng Archdiocese of Manila. Ang “The Contemporary Brand of Political Activism of the Catholic Bishops’ Conference of the Philippines (CBCP): Strengthening Political Structures to Solve and Prevent Political Crises”

Ayon sa pagkakahimay ni Ederic, tila ipinapalabas ni Fr. Marinay na ang EDSA 2 ay isang “pagkakamali” ng simbahan sa dahilang hindi dapat ito nangingialam sa buhay pulitika ng bansa. Nakabase ito sa doktrinang hiwalay ang estado at ang simbahan.

Sang ayon ako kay Ederic nang sabihin niyang:

Hindi ko maintindihan kung paanong ang pakikiisa ng Simbahan sa mga kilos-protesta laban sa katiwalian — sa mga kademonyohan ng ating mga lider — ay magiging isyu ng pagkakahiwalay ng Simbahan at Estado. Sa tingin ko, kung sinasamahan o pinamumunuan lamang ng Simbahan ang mga kasapi nito sa pagsasabuhay ng karapatan nilang humingi ng isang mabuti at makatarungang pamamahala, sakop ito ng Bill of Rights ng ating Saligang Batas. Ang masama ay kung tuwirang didiktahan ng Simbahan ang pangulo na ipatupad sa gobyerno ang mga utos ng Simbahan.

Tama rin naman si Fr. Marinay na hindi dapat magdikta ang simbahan sa kung paano papatakbuhin ang ating gobyerno dahil hindi naman ito ang bokasyon nito, pero tungkulin ng simbahan na ipaalala at umalalay sa mga tao tuwing kumikilos sila para itaguyod ang anumang matuwid, demokratiko at makatwiran.

Sa ganitong punto, hindi na ang simbahan ang nagsasabi sa kung ano ang gagawin sapagkat nagawa na nila ang kanilang tungkulin, iyon ay ang ipaalala sa mga tao na mayroon silang dapat gawin. Ang mga susunod na hakbang ay dapat ipaubaya na sa taumbayan dahil sa kanila nagmumula ang kapangyarihan ng estado at gobyerno, ika nga sa Latin, “vox populi, vox dei” at ito ang esenya ng demokrasya.

Kung hindi man sang-ayon ang pamunuan ng simbahan sa mga gagawin ng taumbayan, ay huwag sanang mag-inarte o mabahala ito, dahil ang mga tao ang simbahan na siya namang bumubuo sa katawan ng Maykapal.

Tungkol naman sa EDSA 2 o anumang direktang pagkilos ng taumbayan, hihiramin ko muli ang sinulat ni Fr Marinay;

The current direction of the CBCP to strengthen political institutions to solve and prevent political crises is a kind of a corrective measure of EDSA II which weakened political institution in the sense that it did not wait for the verdict of the Senator-Judges in the impeachment case against Pres. Estrada. It did not respect the rule of law. It did not give the duly instituted political institution a chance to assert itself and prove its strength to handle such a political turmoil. For this reason, the CBCP did not mention EDSA II, for it did not help strengthen our political institutions. The parliament of the streets, also known as mob rule instrumental in the ouster of Erap Estrada was a shortcut to achieve political change. It was counterproductive, for it weakened our political structures.

Muli sang-ayon ako kay Ederic na hindi dahil nagkamali si Gloria Macapagal-Arroyo ay kamalian na rin ang EDSA 2. Hindi ang EDSA 2 ang nagpahina sa mga institusyong pampulitikal kung hindi ang mga kurakot at traydor na opisyales na nagpapatakbo sa mga ito, at nangunguna si GMA.

Nakakalungkot na umabot sa ganitong punto na ang CBCP mismo ang tatalikod sa diwa ng EDSA. Tiyak akong naghuhumilagpos ang yumaong Cardinal Sin saan man siya naroon ngayon sa ginagawa ng mga kasama niyang Obispo’t taong simbahan.

Ang hindi masyadong napag-uusapan noon at hindi rin binigyang pansin ni Fr Marinay ngayon ay kung paanong napahina din ng Administrasyong Arroyo ang CBCP bilang institusyong matatkbuhan ng taumbayan sa panahon na wala silang ibang matatakbuhan upang ipaglaban kung ano ang nararapat at wasto. Paano? Sa pamamagitan ng mga envelopes na kumalat sa mga kasapi ng CBCP.

Sa ganitong punto, hindi na lamang ang mga “political institutions” ang mahina ngayon, ang lipunang Pilipino, kasama ang Simabahang Katoliko sa ngayon, ay bulok na at malapit nang mapalitan.

Nakakatawa naman si Ben Abalos, ang dating Chair ng COMELEC na ‘nagpabukol’ sa ZTE-NBN deal na dagdag sa mga isyung nagpapatunay kung gaano kakurakot at sakim ang gobyernong Arroyo.

Ayon sa Inquirer, siya daw ay “willing to go on a campus tour” sakaling imbitahan ng mga estudyante sa kanilang paaralan tulad ng ginagawa ngayon ng ZTE-NBN deal star witness Jun Lozada kung saan ibinabahagi niya ang kanyang storya at karanasan ukol sa maanomalyang kasunduang ito.

Ito raw ay para marinig naman ng mga estudyante ang ‘kabilang panig’ sa kontrobersyang ito at hindi puro si Jun Lozada lamang ang napapakinggan. Dagdag pa ng abogado ni Abalos na ito ay upang maiwasan na madala sa mga kwento ni Lozada ang mga estudyante na “walang alam sa nangyayari.”

Ayus na sana hindi ba? Yung pagkakataong marinig naman naming mga estudyante ang panig ni Abalos tungkol sa kontrobersyang ito. Pero bakit kailangang ipalabas ng abogado niya na tila kaming mga estudyante ay mangmang at walang alam sa isyung ito? Hindi kami kadaling mauto Atty Panelo.

Hindi na namin kailangang marinig pa ang panig ni Abalos o nang kahit sino pang kampon ng kasamaan na administrasyong Arroyo, dahil sapat na ang mga naranasan naming mga taga De La Salle Dasmarinas noong nakaraang Biyernes upang masabing may mga bagay na ayaw nyo sa aming ipaalam at malayang gawin.

May mga tanong ako kay Atty Panelo at kay Abalos:

Paano kami makikinig sa iyo kung ang mismong mga kapulisang sumusunod sa inyong amo ay ayaw makinig sa aming mga pakiusap noong Biyernes?

Paano namin malalaman ang mga dapat naming malaman kung kami ay ginigitgit, hinaharangan at pinagsisinungalingan noong nakaraang Biyernes?

Paano namin kayo papaniwalaan kung ang inyong mga tauhan ay nilalagay sa panganib ang aming mga buhay?

Panghuli, paano kami nakakasiguro na kung sakaling masikmura naming imibitahan kayo sa aming pamantasan ay hindi bigla na lang magpupumilit pumasok ang mga pulis at sasabihing may banta ng pambobomba sa aming pamantasan?

At bakit nanunuyo kayo sa aming mga estudyante ngayon? Hindi ba dapat sa Senado kayo nagkukwento?

Hindi ko sukat akalain na isang napakasamang balita ang sasambulat sa aking paningin, ilang oras pa bago dumating ang bagong taon.

Ayon sa balita ng Inquirer.net, posibleng tumakbo uli si dating Pangulo, magnanakaw-na-pinawalang-sala-ng-isa-pang-magnanakaw Erap Estrada sa pagka-Pangulo sa darating na halalan ng 2010. Ito raw ay sa dahilang “sobrang dami” ng mga potensyal na kandidato sa pagka-Pangulo ang nasa panig ngayon ng oposisyon.

Ito na marahil ang dahilan kung bakit hindi nagtatagumpay sa kanilang mga plano ang oposisyon, dahil hindi sila nag-iisip ng matuwid at tama, marahil (na huwag sana) ay mga engot sila dahil kung “sobrang dami” ng potensyal na kandidato sa pagka-Pangulo mula sa kanilang mga hanay ay bakit mauuwi ang lahat sa isang dating Pangulo na pinalayas ng taumbayan dahilan sa kanyang pagnanakaw sa kaban ng bayan? Marahil ay lahat sila ay magnanakaw din, pero ibang kwento na iyon.

Ibig sabihin ba ay mas malupet, mahusay at mas may kakayanan si Estrada kaysa sina Francis Escudero, Loren Legarda, Manuel Villar, Panfilo Lacson, at Makati Mayor Jejomar Binay?

O dahil habol lang nila ang lakas sa paghatak ng boto ni Estrada kaya gumagawa sila ng paraan para muli siyang makatakbo?

Kung hatak lang naman ng boto ang pag-uusapan, swak na swak na sina Loren Legarda at Francis Escudero dahil silang dalawa ang nanguna sa nakaraang halalan ng mga Senador. Kahit na ang ubod ng yaman at elitistang si Manuel Villar marahil ay hindi makakahakot ng ganoong kadaming boto. Dagdag dito ang husay at kakayanan nina Legarda at Escudero, sapat nang dahilan upang isa sa kanila ang patakbuhin bilang Pangulo sa 2010.

Dapat sanang maunawaan at pakinggan ng mga nasa oposisyon na kaya nanalo sina Legarda at Escudero ay sa may paniniwala ang mga tao sa kanilang husay at kakayanan. Hindi dahil sa sila ay kasama ni Erap sa Oposisyon. Nais ba nilang ulitin ang EDSA Dos?

Dapat ding maunawaan ng Oposisyon na ang hangad ng taumabayan ay pagbabago. Ito ay makakamit lamang kung ang mga papatakbuhin sa darating na halalan ay mga bagong mukha, personalidad, paniniwala, at kakayanan.

Si Erap ay isa nang “relic” ng nakaraan. Jurassic ika nga. Kumbaga sa hayskul, matagal nang alumni si Erap. Panahon na para siya ay manahimik at mamahinga na lamang. Isama niya sa kanyang pagretiro ang mga lumang trapo at pulitiko mapa-Administrasyon o Oposisyon man.

Tandaan nyo ang mga bagay na ito, ang pagbabago ay hindi tumitigil. Ang pagbabago ay dala ng mga kabataan at susunod na henerasyon. At kasama rito si Trillanes. At kapag luma, panis at pangat(long init) na putahe na naman ang ihahain ng Oposisyon sa darating halalalan sa 2010, humanda sila kapag nabagot, nasuka at na-umay ang taumbayan.

Tulad ng sabi ko sa isang komento sa sinulat ni Arbet tungkol sa kakatwang sitwasyon sa pagitan ng mga dakilang magbubukid mula sa Sumilao at sa huwad at mandarayang Senador na si Migz, wala na akong pakialam sa kanya. Makita ko lang siya ay nasusuklam ako. (okay, kalma na, hehehe)

Grabe talaga ang mga nasa House of Representatives! Como may posibilidad na mawala sa pagiging Speaker of the House si Yoda de Venecia ay susuportahan nila ang impeachment ni GMA?

Kahit na matagal ko nang gustong ma-impeach si GMA ay hindi ko maiawasang mainis at magalit sa mga Kongresista na yan. Si JDV ba ang pinaglilungkuran ng Kongreso? Si JDV ba ang dahilan kung bakit may Mababang kapalungan?

Paalaala lang po sa inyong lahat: Ang taumbayan ang bumoto sa inyo hindi para magpasarap kayo dyan at kung anu-ano pa man, kung hindi para paglingkuran kaming taumbayan.

Sabi nga ni Luli, “Nakakainis naman no.”

‘Oust JDV, we impeach GMA’

By JESS DIAZ
The Philippine Star

The opposition bloc in the House of Representatives will support the impeachment of President Arroyo if her allies succeed in unseating Speaker Jose de Venecia Jr., Minority Leader Ronaldo Zamora said Friday.

“We will not initiate an impeachment. But if Speaker De Venecia is ousted and his group starts an impeachment process, the minority will most likely support it,” Zamora said in a radio interview.

He said if the Speaker has 50 to 60 loyalists, it would be easy for their combined forces to get the required one-third of all House members to send an impeachment complaint directly to the Senate for trial.

Zamora said though the minority has only 24 members, he can convince six to seven more for a total of 31 to support an impeachment process against Mrs. Arroyo.

With the present membership of 239 of the House, it would require 80 members to transmit a complaint to the Senate.

Malamang ngayon ay nakatengga na naman ang mga panukalang batas na lubhang kailangan ng mga mamamayan dahil ang mga kongresista ay abala sa pagpoprotekta at paglilingkod sa kanilang lider na wala namang inambisyon kung hindi ang sariling kapakanan. (Cha-cha diba!)

Naipasa na ba yung Torture as a Crime bill? Naipasa na ba ang Cheaper Medicines bill? Nakakapanginig talaga ng laman ang mga buwaya, bastardo at balasubas na kongresistang mga iyan.

*okay, kalma na, kalma na…..*

35 taon na ang nakalipas mula nang idineklara ng diktadurang Marcos ang Batas Militar o Martial Law sa Pilipinas upang sugpuin ang mga pwersang nais magpabagsak sa pasistang si Ferdinand Marcos at wakasan ang pagpapahirap sa mamamayang Pilipino.

Dahil sa Batas Militar, daan-daan ang nabilanggo, tinortyur, pinaslang, at nalapastangan ang mga karapatang sibil at pangtao. 35 taon na ang nakalipas ngunit tila walang pinagkaiba ang panahong kasalukuyan. Halos 900 kaso na ng paglabag sa karapatang pantao, mga pinaslang na mamamahayag, mga aktibista, mga estudyante at lider-manggagawa ang hanggang sa ngayon ay nawawala.

Patuloy pa rin ang giyera sa Mindanao kung saan libu-libong mga Muslim ang naghihirap. Hanggang sa ngayon, ang mga biktima ng pang-aabuso ng pasistang rehimeng Marcos ay patuloy na naghahanap ng hustisya. Mas nakakalungkot pa nito’y ang mga tulad nilang biktima ng garapalang pang-aabuso sa karapatang pantao ay nadadagdagan pa.

May mga nagsasabi na hindi naman bumalik ang panahon ng Martial Law, tama sila, sapagkat wala namang deklarasyon mula sa pekeng pangulo na nagsasabi nga ng ganito. Ngunit, sa istilo ng paggamit sa kinamkam na kapangyarihan, sa mga polisiya at batas na ipinasa ng administrasyong Arroyo, hindi na nga kailangan ng deklarasyon ng Batas Militar, dahil sa kabuuang epekto ng mga ito, wala nang pinagkaiba ang kalagayan ng bansa 35 limang taon na ang nakalipas.

Nariyan ang EO 464, PD 1017, “No Permit, No rally”, ang mga political harrasment sa mga progresibo at maka-kaliwang mambabatas, at ngayon ang huling elemento sa pagsisistematisa ng ‘Martial Rule’ ang Human Security Act of 2007 o ang Anti-Terrorism Law. Kung buhay si Marcos ngayon, sa aking palagay ay mamamangha siya sa nagawa ni GMA. “Small but terrorist, terrible” ika nga.

Kaya nga kahit 35 limang taon na ang nakalipas, hindi lamang ang mga mapangabusong gawain ni Marcos ang nabibigyan ng buhay at nanunumbalik sa ating mga alaala. Kung hindi, ang mga pagkilos na ginawa ng mga manggagawa, maralita, kabataan, layko at relihiyoso at lahat ng lumaban sa diktadura at pasistang rehimen ni Marcos.

Partikular dito ang isang mensahe at talumpati ng isa sa mga tanyag na lider-manggagawa na buong tapang, lakas, at talinong lumaban sa diktador, at sa huli’y buhay niya ang naging kapalit. Ang tinutukoy ko ay ang mensahe ni Felixberto Olalia, Sr. sa huling araw ng kanyang huling araw ng pag-aayuno sa Plaza Roma noong ika-4 ng Disyembre, 1983. Mula ito sa librong “20 Speeches that Moved a Nation” – mga koleksyon ng mga talumpating naglalarawan ng makulay na kasaysayan ng Pilipinas at ang mayamang tradisyon ng mga Pilipino sa pakikipagtalumpati – ni Manuel Quezon III, o MLQ3.

Sa kanyang talumpati o mensahe na pinamatagang “Mensahe sa Limang-araw na Pag-aayuno Para sa Pagpapalaya ng Lahat ng Detenidong Lider-manggagawa at iba pang Bilanggong Politikal” ginunita niya ang tula ng isang rebolusyunaryo, ni Mano de Verdades Posadas upang isalarawan ang kalagayan ng Pilipinas noong panahon ng Batas Militar, isang malaki at malawak na bartolina:

Gapos sa kamay, piring sa mata;
Suntok, bayo, tadyak, sampal,
Iniksyon, kuryente, hipo, sakal,
Plantsa, panggugutom,
panggagahasa.
Buhos ng tubig o paso ng sigarilyo;
At pagkatapos ay ilantaong
pagkakulong
Nang walang paglilitis o
wala man lang kaso.
Ganito ang pinaiiral na kalagayan
Sa bartolina ng piitang kapuluan.

Sa bandang huli ng kanyang mensahe, kung saan hinimok niya ang mga mamamayan na kumilos at lumaban muli niyang ginunita ang isa pang tula, muli ni Mano de Verdades Posadas:

Ang pagkakapiit
Sa halos pusikit
Na karimlan
Ay di dhilan
Upang tayo’y
Sa kababaan ng kisame
Huwag na tayong dumapa
Sa malamig na sahig;
Sa kaliitan ng silid,
Huwag na tayong sumiksik
Sa suok at humalukipkip.
Ang pagkakulong
Sa panahong
Wari’y di matatapos
Ay di dapat makaupos
Sa ating pagkilos
Tungo sa paghulagpos
Upang lalong makakilos.

Makulay, makubuluhan at hanggang sa ngayon ay nananatiling tumpak sa ating kasalukuyang kalagayan ang mga tulang ito, kahit na 35 taon na ang nakalipas. Hanggang kailan pa kaya ito magtatagal? Hanggang kailan pa natin ito hahayaan? Kapag tayo o ang ating mga mahal sa buhay ay bigla na lang rin maglalaho?

Para wakasan ang munting pagbabahagi na ito, isang dalangin ang aking iaalay, para sa mga naging biktima ng karahasan at pangaabuso sa mga karapatang pantao noong panahon ng Batas Militar at ngayong sa panahong kasalukuyan: